Thursday, June 14, 2012

बदल आम्ही घडविणार... - महादेव जानकर


महादेव जगन्नाथ जानकर
संस्थापक / राष्ट्रीय अध्यक्ष , राष्ट्रीय समाज पक्ष

जन्म : 19 एप्रिल 1968
जन्म स्थळ : मौजे वाढे , जि . सातारा
गाव : पळसावडे, पो. देवापुर, ता. माण , जि . सातारा
शिक्षण : बी. ई. ( वालचंद कॉलेज , सांगली )


कॉलेज जीवनातच विद्यार्थी नेतृत्व म्हणून पुढे आले. 1988 पासून सामजिक कार्यात प्रवेश.

लग्न करणार नाही , घरी जाणार नाही, नातेवाईकांशी संबंध ठेवणार नाही, स्वताची संपत्ति बनवणार नाही, राष्ट्रीय समाजाला सन्मान - सत्ता मीळवून देण्याचे काम आजन्म करीन... अशी शपथ 1988 साली घेतली. आजपर्यंत जानकर या शपथेला जागले आहेत. निर्धार पक्का असल्याचे सिद्ध झाले आहे.

यशवंत सेनेच्या माध्यमातून सामाजिक जागृतिचे काम सुरु केले. धनगर समाजाबरोबर इतर राष्ट्रीय समाजाला जागृत आणि संघटित केले. 29 ऑगस्ट 2003 साली राष्ट्रीय समाजाची पक्षाची स्थापना केली.

महाराष्ट्राबाहेर पक्षाची उभारणी केली. कर्नाटक, आसाम, मध्य प्रदेश, दिल्ली, गुजरात, प. बंगाल, उत्तर प्रदेश, तमिळनाडू आदि. राज्यात पक्ष पोहचविला.

महाराष्ट्र तसेच अखिल भारतीय पातळीवर अनेक राजकीय / सामजिक प्रबोधनात्मक कार्यक्रम राबविले.

अनेक पक्ष असतानाच रा. स .प 'च का ? त्याचा विचार / कार्यक्रम काय ? नेता आणि पक्ष काय ? याबद्दलची माहिती विविध पत्रके आणि मासिक विश्वाचा यशवंत नायक मधून मीळेल.

साभार : बदल आम्ही घडविणार... या पुस्तकांमधून ( प्रकाशित 31 मे 2009 ), लेखक : महादेव जानकर

* http://www.rashtriyasamaj.blogspot.in/2010/02/rayanna-of-sangoli.html

* http://en.wikipedia.org/wiki/Rashtriya_Samaj_Paksha

Monday, June 11, 2012

'ओबीसी' चळवळीत काम करणाऱ्या सर्व नेत्यांना महादेव जानकरांनी एकत्र आणले, ही कौतुकाची बाब - मुंडे

ओबीसी एकत्र आले की, कुणाकडेही मागायची गरज नाही !
'
ओबीसी' चळवळीत काम करणाऱ्या सर्व नेत्यांना महादेव जानकरांनी एकत्र आणले, ही कौतुकाची बाब - मुंडे


अहमदनगर / जामखेड - चोंडी , 31 मे 2012 ( प्रतिनिधि )
'ओबीसी' चळवळीत काम करणाऱ्या सर्व नेत्यांना महादेव जानकरांनी एकत्र आणले, ही कौतुकाची बाब आहे. 'ओबीसीं'मधील सर्व घटक एकत्र आले, तर कोणाच्या दारात काही मागायला जावे लागणार नाही. सर्व उघडपणे बोलता येत नाही. भुजबळांची अडचण आहे; मात्र वेळ आल्यास तेही माझ्या पाठीशी उभे राहतील, असे उद्‌गार भारतीय जनता पक्षाचे लोकसभेतील उपनेते गोपीनाथ मुंडे यांनी आज काढले.

चौंडी येथे पुण्यश्‍लोक अहल्यादेवी होळकर यांच्या जयंतीनिमित्त राष्ट्रीय समाज पक्षाने ' शासक बनो संकल्प रॅली ' आयोजित केली होती. त्यात मुंडे बोलत होते. अध्यक्षस्थानी सार्वजनिक बांधकाममंत्री छगन भुजबळ होते. राष्ट्रीय समाज पक्षाचे संस्थापक अध्यक्ष महादेव जानकर, खासदार भाऊसाहेब वाकचौरे, आमदार गणपतराव देशमुख, प्रा. राम शिंदे, पंकजा मुंडे - पालवे व माधुरी मिसाळ, माजी मंत्री अण्णा डांगे, माजी आमदार गंगाधर पटणे , कामिनी पाटील, व 'अहल्यादेवी' चित्रपटाच्या निर्मात्या पटवर्धन आदींसह कर्नाटक, आंध प्रदेश व राज्याच्या विविध भागांतून कार्यकर्ते उपस्थित होते.

मुंडे म्हणाले, ""राजकारणात अनेक पक्ष मोठे होतात; सत्तेत येतात-जातात. मात्र, राजकारणातून समाजासाठी पूर्ण वेळ स्वतःला वाहून घेणारा एखादाच असतो. यापैकी जानकर होत.'' जानकरांना उद्देशून ते म्हणाले, ""पहिली मोटरगाडी तुम्हाला बीड जिल्ह्याने दिली होती. या वेळी नवी दिली. पुढे बीड जिल्हा हेलिकॉप्टर देईल. धनगर समाजाचा अनुसूचित जातीत समावेश व्हावा, या मागणीसाठी मी तुमच्या बरोबर आहे.''

भुजबळ म्हणाले, ""ओबीसींचे आरक्षण सांभाळताना अडचणी वाढल्या आहेत. काहीही करा; पण "ओबीसी' आरक्षणाचा टक्का घसरू देऊ नका, असे आम्ही बोलतो, त्या वेळी विशिष्ट समाजाच्या विरोधी माझी भूमिका आहे, असे चुकीचे सांगितले जाते. आम्ही बोलतो ते केवळ माळी-वंजारी-धनगर यांच्यासाठी नाही, तर साडेतीनशे जातींसाठी बोलतो. धनगर समाजाला अनुसूचित जमातीप्रमाणे सवलती मिळाव्यात, या मागणीसाठी आपण आग्रही राहावे.''

डांगे म्हणाले, ""धनगर समाजाच्या प्रश्‍नांकडे राज्यकर्ते दुर्लक्ष करीत आहेत. शपथ घेतल्यापासून आजपर्यंत मुख्यमंत्री पृथ्वीराज चव्हाण यांनी समाजाच्या प्रश्‍नावर चर्चा करण्यासाठी वेळ दिली नाही. यावरून ते धनगर समाजाच्या अनुसूचित जमातीत समावेशाला अनुकूल नाहीत, असे दिसते.''

प्रा. शिंदे म्हणाले, ""मागील वर्षी उपमुख्यमंत्री अजित पवार यांनी चौंडी येथे येऊन विकास प्रकल्पाला निधी कमी पडू देणार नाही, असे आश्‍वासन दिले. प्रत्यक्षात तोंडाला पाने पुसली. चाळीस कोटी रुपये खर्चाचे अंदाजपत्रक सरकारकडे सादर असून, केवळ दोन कोटी रुपये मंजूर केले. सभागृहात या विषयावर चर्चा केली असता, त्याकडेही दुर्लक्ष केले.''

आमदार पंकजा मुंडे-पालवे म्हणाल्या, "बाराव्या वर्षी अहल्यादेवींचे जीवनचरित्र वाचले आणि त्याचा प्रभाव माझ्या जीवनावर पडल्या. त्या माझ्या श्रद्धास्थान आहेत. त्यामुळे येथील भक्तांच्या सर्व विषयांबरोबर आपण आहोत.''

शपथ घेतली , आजवर पाळली !
महादेव जानकर म्हणाले, '' सत्तावीस वर्षांपूर्वी शपथ घेतली, घरी जाणार नाही... लग्न करणार नाही... समाजासाठी स्वतःला वाहून घेईन... त्या पद्धतीने काम सुरू आहे. राष्ट्रीय समाज पक्षाचे सदस्य जिल्हा परिषद, पंचायत समितीत निवडून आले. बऱ्याच ठिकाणी दुसऱ्या क्रमांकाची मते मिळाली. पुढील काळात मुंडे-भुजबळांनी आशीर्वाद दिले, तर सत्ताधाऱ्यांना पायउतार करू.''

( साभार : दै. सकाळ , 01 जून 2012 मधून...)

( http://72.78.249.125/esakal/20120601/5122757276296398795.htm )

कृपया पुढील लिंक पहावे >>>>

बहुजनांनी ज्ञानसत्तेकडे वाटचाल सुरू ठेवावी : प्रा.नरके

















(साभार : दै. पुण्यनगरी , पुणे )

Saturday, June 9, 2012

Shepherd & Moses... گروه مستان و همای




Shepherd:
I do not fear myth or Satan
nor blasphemy nor faith
nor flames nor separation
nor tomorrow nor death
nor drinking from the cup of wine
I know God better than you do, i know you better than God
God is different from what you think
God never wants to be God
God does not want to be a plaything in your hands
He never wants to inspire fear
Fear of him I do not have
Fear form such thoughts I do not have
Oh God I fear only to harm another
I do not have quarrels with anyone
nor does anyone have with me
Tell me then Moses
Who is more bewildered?
You or I ?